Accede a la información del registro de demandantes de vivienda protegida REGISTRO
O Instituto Galego de Vivenda e Solo, creou o Rexistro de Demandantes de Vivenda Protexida de Galicia, que entrou en vigor o día 19 de abril, co que se pretende ter información rigorosa sobre a demanda de vivenda protexida en todo o país e permitirá evitar irregularidades na compravenda de vivenda protexida, xa que os promotores terán que vender os pisos ás persoas que indique o IGVS, tras o prescriptivo sorteo entre os inscritos no Rexistro.
O Rexistro ten coma finalidade facilitar a xestión e o control na adxudicación de vivendas de protección autonómica e de promoción pública, garantindo a publicidade, concorrencia e transparencia de ditos procesos.
¿Quen debe inscribirse no Rexistro?
Deberán inscribirse no Rexistro as persoas ou unidades familiares ou convivenciais que desexen optar a unha vivenda de protección autonómica ou de promoción pública en réxime de compra ou de alugueiro, así coma os que desexen optar a aloxamentos protexidos.
¿Cómo podemos inscribirnos no Rexistro?
A inscrición no Rexistro pode realizarse en calquera das delegacións provinciais e nos servizos centrais do Instituto Galego de Vivenda e Solo.
A inscrición no Rexistro pódese facer de dúas formas:
Mediante inscrición presencial, ben nunha das catro delegacións provinciais ou ben nos servizos centrais do Instituto Galego de Vivenda e Solo. Para facer este tipo de inscrición será necesario obter telefonicamente unha cita previa. A persoa interesada deberá presentarse co modelo de solicitude de inscrición debidamente cuberto ou ben coa clave da solicitude cuberta por internet, xunto coa documentación que nel se require. Para obter a cita previa deben chamar ao teléfono 902107039
Mediante presentación da solicitude nos rexistros do IGVS e demais lugares permitidos polo artigo 38.4 da Lei 30/1992, de réxime xurídico das administracións públicas e do procedemento administrativo común, isto é:
Nos rexistros dos órganos administrativos a que se dirixan.
Nos rexistros de calquera órgano administrativo, que pertenza á Administración Xeral do Estado, á de calquera Administración das Comunidades Autónomas, ou á de algunha das entidades que integran a Administración local se, neste último caso, se subscribira o oportuno convenio.
Nas oficinas de Correos, na forma que regulamentariamente se estableza.
Nas representacións diplomáticas ou oficinas consulares de España no estranxeiro.
En calquera outro que establezan as disposicións vixentes.